ლუიზა ვინტონი - ევროკავშირის და გაერო-ს განვითარების პროგრამის ახალი პროექტი საქართველოში მედიაციისა და არბიტრაჟის განვითარებას ემსახურება

გაერო-ს განვითარების პროგრამის ხელმძღვანელის, ლუიზა ვინტონის განცხადებით, ახალი პროექტი, რომელსაც ევროკავშირი და გაერო-ს განვითარების პროგრამა საქართველოში ერთობლივად იწყებენ, ემსახურება მედიაციისა და არბიტრაჟის განვითარებას ქვეყანაში.

როგორც ლუიზა ვინტონმა ჟურნალისტებს განუცხადა, პროექტი, რომელიც მედიაციისა და არბიტრაჟის განვითარებას გულისხმობს, საქართველოში მიმდინარე მართლმსაჯულების რეფორმების მნიშვნელოვანი ნაწილია.

„ძალიან მოხარულები ვართ, რომ ევროკავშირთან ერთად ვიწყებთ ახალ ინიციატივას, რომელიც ეხება მედიაციისა და არბიტრაჟის განვითარებას საქართველოში. ჩვენ მედიაციასა და არბიტრაჟს ვუყურებთ, როგორც ძალიან მნიშვნელოვან ნაწილს მართლმსაჯულების მიმდინარე რეფორმების, რადგანაც ის მხარეებს სთავაზობს ურთიერთმომგებიან გადაწყვეტილებებს და ასევე ეხმარება მათ, რომ სასამართლოებში დაზოგონ ფული და დრო.

ეს არის ძალიან პროგრესული რეფორმა, რომელსაც ახორციელებს საქართველო. ასევე საქართველოს აქვს პერსპექტივა, რომ გახდეს მართლმსაჯულების რეფორმების რეგიონული ჰაბი და ამ მხრივ დავების გადაწყვეტის ალტერნალიული გზების განვითარებას პრინციპული მნოშვნელობა ენიჭება“, - განაცხადა ლუიზა ვინტონმა.

ამასთან, როგორც ევროკავშირის და გაერო-ს განვითარების პროგრამის წარმომადგენლობებში აცხადებენ, საქართველოში დავების გადაწყვეტის ალტერნატიული მექანიზმების მხარდაჭერის ახალი ფაზა 2019-2020 წლებში განხორციელდება, ხოლო მისი ბიუჯეტი 850 000 ევროა.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო