მაია ცქიტიშვილი - თავისუფალი, დემოკრატიული და სამართლებრივი სახელმწიფო ნიშნავს უფლებრივად და ეკონომიკურად ძლიერ რეგიონებს

ჩვენი ხელისუფლება ერთიანია იმ საკითხში, რომ თავისუფალი, დემოკრატიული და სამართლებრივი სახელმწიფო ნიშნავს თვითმმართველობის პრინციპებზე დაფუძნებულ პოლიტიკურ სისტემას, უფლებრივად და ეკონომიკურად ძლიერ რეგიონებს, - განაცხადა საქართველოს ვიცე-პრემიერმა, რეგიონული განვითარებისა და ინფრასტრუქტურის მინისტრმა საქართველოს პარლამენტში „მინისტრის საათის“ ფორმატში მოსმენისას.

მაია ცქიტიშვილმა აღნიშნა, რომ დეცენტრალიზაციისაკენ ნაბიჯები 2019 წელს უკვე გადაიდგა და ადგილობრივ თვითმმართველობებს გადაეცათ სკოლების მცირე სარეაბილიტაციო სამუშაოების და ბავშვების სკოლებში ტრანსპორტირების მომსახურების შესყიდვის უფლებამოსილება. მათვე გამოეყოთ 40 მილიონი ლარი სკოლების მცირე სარეაბილიტაციო სამუშაოების ჩასატარებლად.

ფისკალური დეცენტრალიზაციის ნაწილში 2019 წლიდან შეიცვალა ტრანსფერის ფორმულა. მუნიციპალიტეტებისთვის გასანაწილებელი თანხა დაუკავშირდა დამატებითი ღირებულების გადასახადს და ძველი მოდელისგან განსხვავებით, მუნიციპალიტეტების საკუთარი შემოსავლების ზრდა აღარ იწვევს ტრანსფერის შემცირებას.

ვიცე-პრემიერის განცხადებით, რეგიონებში განსახორციელებელი პროექტების ფონდი მუდმივად მზარდია და პირდაპირ მიბმულია ქვეყნის ზრდის პროცენტულ ზრდასთან.

„ახალი მოდელის შემოღების შედეგად მუნიციპალიტეტების დაფინანსება 2018 წელთან შედარებით გაიზარდა 13%-ით, რაც დაახლოებით 105 მლნ ლარს შეადგენს. 50 მუნიციპალიტეტისათვის მოხდა თანხის 25%-ით გაზრდა. მათ შორისაა ახმეტის, ხობის, ყვარელის, სიღნაღის, ახალციხის, ტყიბულის, ლენტეხის, ონის, ცაგერის, ქედას, მესტიის მუნიციპალიტეტები“, - აღნიშნა ცქიტიშვილმა.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო