გედევან ფოფხაძე - გუნდში არც მდგმურები ვართ და არც ვიღაცის კაცის კაცები

ის ადამიანები, რომლებიც ამ კანონპროექტის ინიციატივით გამოვდივართ, ამ გუნდში არც მდგმურები ვართ და არც ვიღაცის კაცის კაცები, - ასე უპასუხა საპარლამენტო უმრავლესობის წევრმა გედევან ფოფხაძემ ჟურნალისტების კითხვას, დატოვებს თუ არა მმართველ გუნდს, თუკი მისი და კიდევ 8 დეპუტატის მიერ ინიცირებულ კანონპროექტს მოსამართლეთა უვადოდ დანიშვნის შეჩერებასთან დაკავშირებით მხარდაჭერა არ ექნება. როგორც ფოფხაძემ აღნიშნა, ამ საკითხის დაანონსებას არ აპირებს.

"მე ამ საკითხის დაანონსებას არ ვაპირებ. ისედაც იქმნება შთაბეჭდილება, რომ ჩვენ ამ თემით ვსპეკულირებთ, ჩვენს კოლეგებს ამით თითქოს ვემუქრებით, რომ არიქა, წავალთ. პირდაპირ გეტყვით, რომ ის ადამიანები, რომლებიც ამ კანონპროექტის ინიციატივით გამოვდივართ, ამ გუნდში არც მდგმურები ვართ, არც შემთხვევით მოვხვდით და ვიღაცის კაცის კაცები არ ვართ. ჩვენი პოზიცია ამ გუნდში განპირობებულია იმ მრავალწლიანი ბრძოლის შედეგად, რომელსაც ვაწარმოებდით ჯერ სააკაშვილის რეჟიმთან, მერე რომ ამ რეჟიმის რევანში არ მომხდარიყო. ჩვენ ეს ადგილი არავისგან წყალობით არ მიგვიღია. ასე რომ, რა გადაწყვეტილებაც არ უნდა მივიღოთ დარჩენის ან წასვლის თაობაზე, ეს იქნება ნაკარნახევი იმ მორალური ღირებულებით, რომლითაც ჩვენ ვართ პოლიტიკაში,"- განაცხადა ფოფხაძემ.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით