ჟვანიას სკოლამ ISO 9001:2015 განახლებული სერტიფიკატი მიიღო

ჟვანიას სკოლამ მსოფლიოში ყველაზე ფართოდ აღიარებული ხარისხის მენეჯმენტის სისტემის ISO 9001:2015 განახლებული სერტიფიკატი მიიღო. აღნიშნული ინფორმაცია „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს.

როგორც სამინისტროს ინფორმაციაშია აღნიშნული, 2014 წლიდან სკოლა განახლებული სასწავლო პროგრამებით ფუნქციონირებს. „2018 წლის დეკემბერში, ზურაბ ჟვანიას სახელობის სახელმწიფო ადმინისტრირების სკოლამ, განახლებულ საერთაშორისო სტანდარტებთან შესაბამისობის დამადასტურებელი ISO 9001:2015 სერტიფიკატი მიიღო, რომელიც ძალაშია 2021 წლის ბოლომდე.

ISO 9001 წარმოადგენს, მსოფლიოში ყველაზე ფართოდ აღიარებული ხარისხის მენეჯმენტის სისტემას. აღნიშნული სერტიფიკატის ფლობა ნიშნავს მენეჯმენტის კუთხით, ორგანიზაციის საქმიანობის სრულ შესაბამისობას საერთაშორისო სტანდარტთან.

2015 წელს სკოლამ განახორციელა რეგულაციების ISO 9001:2008 ხარისხის მართვის სტანდარტთან შესაბამისობაში მოყვანა და ახალი რეგულაციების შემუშავება. შესაბამისად, წარმატებით გაიარა სერტიფიცირების პროცესი და 2015 წლის 8 დეკემბერს გახდა ხარისხის მართვის საერთაშორისო სერტიფიკატის ISO 9001:2008 მფლობელი.

2014 წლიდან სკოლა ფუნქციონირებს განახლებული სასწავლო პროგრამებით. მომხმარებელს სთავაზობს კვალიფიკაციის ამაღლების სერვისს ორი მიმართულებით:

1. ,,სახელმწიფო ენის სწავლების პროგრამა”, რომელიც სრულად ფინანსდება სახელმწიფოს მიერ და ხელმისაწვდომია ნებისმიერი დაინტერესებული პირისათვის, ვისაც სურვილი აქვს შეისწავლოს ქართული ენა ან გაიღრმავოს ცოდნა ამ მიმართულებით.

2. ,,საჯარო მმართველობა და ადმინისტრირება", პროგრამა მოიცავს გრძელვადიან კომპლექსურ, მოკლევადიან სპეციალიზებულ და მოკლევადიან სპეციალიზებულ გასვლით კურსებს.

ზურაბ ჟვანიას სახელობის სახელმწიფო ადმინისტრირების სკოლა აუმჯობესებს საკუთარი საქმიანობის ეფექტურობას და მაქსიმალურად უსაბამებს მას ხარისხის საერთაშორისო მოთხოვნებს. შესაბამისად, დაინტერესებულ პირებს სთავაზობს მაღალი ხარისხის მომსახურებას“, - ნათქვამია სამნისტროს მიერ გავრცელებულ ინფორმაციაში.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა