შინაგან საქმეთა მინისტრი გიორგი გახარია სტამბულში სამუშაო ვიზიტის ფარგლებში თურქ კოლეგას სულეიმან სოილუს შეხვდა. ამის შესახებ „ინტერპრესნიუსს“ შინაგან საქმეთა სამინისტროდან აცნობეს.
მათივე ინფორმაციით, შეხვედრაზე მხარეებმა ორი ქვეყნის სამართალდამცავ უწყებებს შორის არსებულ თანამშრომლობაზე ისაუბრეს.
„საუბარი ასევე შეეხო ორგანიზებული დანაშაულის, მათ შორის ქურდული სამყაროს წინააღმდეგ ბრძოლაში მიღწეულ შედეგებს. შეხვედრაზე გიორგი გახარიამ და სულეიმან სოილუმ სამომავლო თანამშრომლობის გეგმებზეც იმსჯელეს, მათ შორის ორგანიზებული ტრანსასაზღვრო დანაშაულის წინააღმდეგ ბრძოლისა და ორი ქვეყნის უსაფრთხოების განმტკიცების მიმართულებით”, - ნათქვამია უწყების მიერ გავრცელებულ პრესრელიზში.