სალომე ზურაბიშვილი - დღეს ჟენევა ჩამოვიდა ძალიან ტექნიკურ  დონეზე, დროა ჩვენი პარტნიორებისგან მეტი მოვითხოვოთ, რათა მათ გამოიყენონ თავიანთი ბერკეტები

გვინდა, ჩვენი პარტნიორები უფრო აქტიურად ჩაერთონ დიალოგში, გაუმეორონ რუსეთს და რაღაცნაირად გააგებინონ, რომ საჭიროა პოზიციები შეიცვალოს, - ამის შესახებ საქართველოს პრეზიდენტმა სალომე ზურაბიშვილმა ჟურნალისტებს გერმანიის ფედერაციის კანცლერთან, ანგელა მერკელთან გერმანიაში ვიზიტის ფარგლებში გამართული შეხვედრის შემდეგ განუცხადა.

მისი თქმით, ანგელა მერკელმა საქართველოში ვიზიტის ფარგლებში საოკუპაციო ხაზთან ვიზიტი გაიხსენა და აღნიშნა, რომ იქიდან „ძალიან დამძიმებული წამოვიდა“.

სალომე ზურაბიშვილის თქმით, გარდა ჟენევის მოლაპარაკებებისა, დრო მოვიდა, საქართველომ პარტნიორებისგან უფრო მეტი მოითხოვოს.

„განვიხილეთ რუსეთი, ოკუპირებული ტერიტორიები, თვითონ გაიხსენა, რომ ხაზზე იყო მისული და ამ ვიზიტის შემდეგ საკმაოდ, დამძიმებული წამოვიდა. ჩვენ გვეკითხებოდა - „თქვენ როგორ ხედავთ სიტუაციას“, რაზეც მე ვუპასუხე, რომ დღევანდელ დღეს ჩვენ არ გვაქვს ამ სიტუაციიდან გამოსვლის ინსტრუმენტები და დამოკიდებული ვართ ჩვენს მეგობრებზე, რომლებიც მხარს გვიჭერენ, რომ თვითონ მოახდინონ რუსეთზე ზეწოლა, გავლენა, რომ რუსეთმა თავისი პოზიციები შეიცვალოს, რაც ასევე, საფრანგეთში ვთქვი, ამ დილით შტაინმაიერთან და იგივე მერკელთან. ჩვენ გვინდა, რომ ესენი უფრო აქტიურად ჩაერთონ თავიანთი დიალოგის ფარგლებში და გაუმეორონ რუსეთს და რაღაცნაირად, გააგებინონ, რომ საჭიროა, პოზიციები შეიცვალოს.

დღეს, ჟენევა ჩამოვიდა ძალიან ტექნიკურ დონეზე. ჩვენთვის უცვლელია ჟენევა, რადგან სხვა საერთაშორისო ფორმატი არ გაგვაჩნია, მაგრამ დრო მოვიდა, რომ ჩვენი პარტნიორებისგან სწორედ მეტი მოვითხოვოთ და მათ გამოიყენონ თავიანთი ბერკეტები. ჩვენ ვაკეთებთ იმას, რაც შეგვიძლია, ეს არის ის ჰუმანიტარული ნაბიჯები, ის პატარ-პატარა ნაბიჯები, რასაც ვდგამთ იმისთვის, რომ კავშირები იქ მყოფ მოსახლეობასთან არ შეწყდეს, მაგრამ ეს არის ძალიან ძნელი და არ ცვლის ვითარებას“, - განაცხდა სალომე ზურაბიშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს