მე ვფიქრობ, რომ ნებისმიერი ადამიანი თავისუფალია თავის გადაწყვეტილებაში, - ამის შესახებ საპარლამენტო უმრავლესობის წევრმა დავით მათიკაშვილმა ჟურნალისტებს განუცხადა, რითაც გამოეხმაურა მამუკა ხაზარაძის "თიბისი ბანკიდან" წასვლას.

მათიკაშვილის თქმით, თუკი ხაზარაძე პარლამენტში მივა, მას მოუსმენენ, რისი თქმა სურს.

"მე ვფიქრობ, რომ ნებისმიერი ადამიანი თავისუფალია თავის გადაწყვეტილებაში. ამ შემთხვევაში, ჩვენი ქვეყნის ეკონომიკისთვის "თიბისი ბანკი" წარმოადგენს მნიშვნელოვან სეგმენტს, როგორც კომერციული ბანკი. ასევე ანაკლიის პროექტი ძალიან მნიშვნელოვანია, რომელიც აუცილებლად უნდა განხორციელდეს. ასე რომ, თუკი მობრძანდება ბატონი მამუკა, რა თქმა უნდა, მოვისმენთ რისი თქმა სურს, ვიმსჯელებთ და ისე გავაკეთებთ შესაბამის კომენტარებს,"- განაცხადა დავით მათიკაშვილმა.

როგორც ცნობილია, „თიბისი ბანკის“ დამფუძნებელი მამუკა ხაზარაძე ბანკის სამეთვალყურეო საბჭოს თავმჯდომარის თანამდებობას ტოვებს.