კანონპროექტმა სულ მცირე კონსტიტუციასთან შესაბამისობის ტესტი უნდა გაიაროს, - ასე უპასუხა პარლამენტის იურიდიული კომიტეტის თავმჯდომარემ ანრი ოხანაშვილმა ეკა ბესელიას და რვა დეპუტატის კანონპროექტის მხარდაჭერასთან დაკავშირებით ჟურნალისტების მიერ დასმულ კითხვას.
„ჩვენთვის პრინციპულად მნიშვნელოვანია, ნებისმიერი კანონპროექტი ემსახურებოდეს მართლმსაჯულების სისტემის გაჯანსაღებას და შემდგომ რეფორმირებას. თუკი იქნება ასეთი კანონპროექტი შემოტანილი ჩვენ აუცილებლად ვიმსჯელებთ და მხარს დავუჭერთ. თუმცა, თუ კანონპროექტი ვერ აკმაყოფილებს კონსტიტუციის მინიმალურ სტანდარტს, პარლამენტის მიერ მხარდაჭერილი ვერ იქნება. პარლამენტი ხელმძღვანელობს სულ მცირე, საქართველოს კონსტიტუციასთან შესაბამისობის ტესტით. თუ ეს ტესტი ვერ დაკმაყოფილდა, პარლამენტი ვერ დაუჭერს მხარს პროექტს, რომელიც ეწინააღმდეგება კონსტიტუციას“, – განაცხადა დეპუტატმა.