ფოთის პორტის მშენებლობაში ქართული კომპანიები ჩაერთვებიან, თუმცა ტენდერში მონაწილეობა შესაძლოა, ვერ მიიღონ

ქართული კომპანიები სავარაუდოდ, ფოთის ღრმაწყლოვანი პორტის მშენებლობის ტენდერში ვერ მიიღებენ მონაწილეობას, - ამის შესახებ „ინტერპრესნიუსს“„პეის ჯგუფის“ დამფუძნებელმა ირაკლი კერვალიშვილმა „პეის ჯგუფის“ საზღვაო ტერმინალის მშენებლობის პროექტზე საუბრისას განუცხადა.

მისივე თქმით, ამერიკის კერძო უცხოური ინვესტიციების კორპორაცია OPIC-ს, რომელიც 50 მილიონი დოლარით აფინანსებს პროექტს, საკმაოდ მაღალი მოთხოვნები აქვს. ამასთან, როგორც მან აღნიშნა, ქართულ სამშენებლო კომპანიებს არ აქვთ ის გამოცდილება და კვალიფიკაცია, რაც მსგავსი მასშტაბის პროექტის განხორციელებას სჭირდება.

„უკვე მზად გვაქვს სატენდერო დოკუმენტაცია. ორ-სამ თვეში გამოვაცხადებთ ტენდერს, რის შედეგადაც გამოვავლენთ სამუშაოების შემსრულებელ კომპანიას. უკვე გამოთქვეს ინტერესი ნორვეგიულმა, ჰოლანდიურმა, თურქულმა სამშენებლო კომპანიებმა. ცხადია, შერჩეულ კომპანიას ქვეკონტრაქტორები დასჭირდება და ჩვენ იმ ქართულ კომპანიებს გავუწევთ რეკომენდაციას, რომლებთანაც აქამდე წარმატებით ვთანამშრომლობდით,“ - განაცხადა ირაკლი კერვალიშვილმა.

მისივე თქმით, ღრმაწყლოვანი ნავმისადგომი ფოთში 2020 წლის ბოლოს გვექნება.

ცნობისთვის, „პეის ჯგუფის“ საზღვაო ტერმინალის მშენებლობის პროექტი ჯამში 120 მლნ აშშ დოლარის ღირებულებისაა. ტერიტორია, სადაც „პეის ჯგუფი“ საპორტო ინფრასტრუქტურას ავითარებს, 25 ჰექტარს მოიცავს. ჯამში 700 მეტრამდე ნავმისადგომის მშენებლობა იგეგმება. თავად პორტი კი 12 მეტრი სიღრმის იქნება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს