ოკუპირებული სამხრეთ ოსეთის დე ფაქტო ხელისუფლება აპრილში სირიის რეჟიმის სამთავრობო დელეგაციის ე.წ. ვიზიტს ელოდება.

ამის შესახებ დე ფაქტო პრეზიდენტმა ანატოლი ბიბილოვმა განაცხადა.

„აპრილში ველოდებით სტუმრებს მოძმე სირიიდან. ამ ეტაპზე ჩვენ უკვე განვიხილავთ ერთობლივ ორმხრივ პროექტებს და ასევე ვმუშაობთ სამხრეთ ოსეთის საელჩოს დამასკოში გახსნის საკითხზე“, - განაცხადა ბიბილოვმა.

შეგახსენებთ, რომ გასული წლის 29 მაისს ბაშარ ასადის რეჟიმმა ოკუპირებული სამხრეთ ოსეთის ე.წ. დამოუკიდებლობა აღიარა.