ევროკავშირის ელჩი ახმეტასა და პანკისს ეწვევა

22 თებერვალს, ევროკავშირის ელჩი, კარლ ჰარცელი ახმეტასა და პანკისში გაემგზავრება. ინფორმაციას ამის შესახებ საქართველოში ევროკავშირის წარმომადგენლობა ავრცელებს.

ელჩი სიტყვით გამოვა ახმეტის მუნიციპალიტეტში სოფლის განვითარების პროექტის გახსნაზე. პროექტის ფარგლებში, სხვა აქტივობებთან ერთად, შეიქმნება ადგილობრივი განვითარების ჯგუფი (LAG). პროექტს ევროკავშირის დახმარებით ახორციელებს ორგანიზაცია "მოძრაობა შიმშილის წინააღმდეგ" (Action Against Hunger).

"დღის მეორე ნახევარში ევროკავშირის ელჩი, საქართველოს სახელმწიფო მინისტრი შერიგებისა და სამოქალაქო თანასწორობის საკითხებში, ქეთევან ციხელაშვილი და ნატოსა და ევროკავშირის შესახებ საინფორმაციო ცენტრის დირექტორი ნინო ბოლქვაძე პანკისის ხეობაში ერთად გაემგზავრებიან. მათი ვიზიტი პანკისში ადგილობრივ ხელისუფლებასა და ხელმძღვანელებთან შეხვედრებს მოიცავს. გარდა ამისა, ისინი ბირკიანში საჯარო სკოლას ეწვევიან და შეხვდებიან პედაგოგებს, რომლებიც ახლახან სასწავლო ვიზიტით ბრიუსელში იმყოფებოდნენ.“, - აღნიშნულია საქართველოში ევროკავშირის წარმომადგენლობის მიერ გავრცელებულ ინფორმაციაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს