ქართულმა უნივერსიტეტმა საინფორმაციო ტექნოლოგიების ცენტრ „მზიურთან“ ურთიერთთანამშრომლობის მემორანდუმი გააფორმა

საქართველოს საპატრიარქოს წმიდა ანდრია პირველწოდებულის სახელობის ქართულმა უნივერსიტეტმა დღეს შპს საინფორმაციო ტექნოლოგიების ცენტრ „მზიურთან“ ურთიერთთანამშრომლობის მემორანდუმი გააფორმა.

როგორც „ინტერპრესნიუსს“ საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტიდან აცნობეს, მნიშვნელოვანი დოკუმენტი ინფორმატიკის ნიჭის მქონე მოსწავლე და სტუდენტი ახალგაზრდობის გამოვლენის, წახალისებისა და ოლიმპიადისთვის მომზადების მიზნით გაფორმდა.

უნივერსიტეტის განცხადებით, დოკუმენტს, „საქართველოს ახალგაზრდული ჩემპიონატი პროგრამირებაში“, ხელი მოაწერეს ქართული უნივერსიტეტის რექტორმა, პროფესორმა სერგო ვარდოსანიძემ და საინფორმაციო ტექნოლოგიების ცენტრ „მზიურის“ დირექტორმა გიორგი თოდრიამ.

„ურთიერთთანამშრომლობა მიზნად ისახავს მოსწავლეებისა და სტუდენტების მომზადებას ოლიმპიადისათვის. ამ მიმართულებით ქართული უნივერსიტეტი გაააქტიურებს მუშაობას, რათა აღნიშნულ ცენტრთან ერთად გამოავლინოს ნიჭიერი ახალგაზრდები, დააახლოვოს ისინი ერთმანეთთან და უნივერსიტეტში ჩაატაროს ორი ოლიმპიადა - მათემატიკური კონკურსი „იმედი ხვალის“ და საქართველოს ახალგაზრდული ჩემპიონატი პროგრამირებაში. აღნიშნული აქტივობები ერთ ან რამდენიმე ტურად ჩატარდება. დასკვნითი ტურიც ქართულ უნივერსიტეტში გაიმართება და გამარჯვებულები დაჯილდოვდებიან სპეციალური პრიზებით“, – აცხადებენ უნივერსიტეტში.

მათივე ინფორმაციით, ჩემპიონატის ჩატარებასთან დაკავშირებული ტექნიკური და ფინანსური საკითხების მოგვარებას უზრუნველყოფენ ორივე მხარის მიერ არჩეული საორგანიზაციო კომიტეტის წევრები, ხოლო შინაარსობრივ მხარეს სამეცნიერო კომიტეტის წევრები, რომელთაც ასევე ერთად ირჩევენ ქართული უნივერსიტეტი და ცენტრი „მზიური.“

„მემორანდუმს, რომელიც ქართულ უნივერსიტეტში გაფორმდა, დიდი მნიშვნელობა აქვს არა მხოლოდ ქართული უნივერსიტეტის სასწავლო პროცესისათვის, არამედ ქართველი ახალგაზრდების ნიჭიერების საერთაშორისო ასპარეზზე წარმოჩენისათვის“, - ნათქვამია ინფორმაციაში.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით