ბელარუსი ადასტურებს რუსეთთან სტრატეგიული პარტნიორობის განვითარების კურსს, თუმცა, ამავდროულად ნატო-სთან ურთიერთობების გაუმჯობესების საჭიროებასაც ხედავს. ამის შესახებ ნათქვამია ბელარუსის თავდაცვის სამინისტროს მიერ გავრცელებულ განცხადებაში.

„2019-2023 წლების საერთაშორისო სამხედრო თანამშრომლობის დაზუსტებული კონცეფციის ფარგლებში დადასტურებულია რუსეთთან პარტნიორობის სტრატეგიული კურსი. ჩვენ ასევე მიზნად ვისახავთ კოლექტიური უსაფრთხოების შესახებ ხელშეკრულების ორგანიზაციის წევრ ქვეყნებთან, ჩინეთის სახალხო რესპუბლიკასთან და დსთ-ს წევრ ქვეყნებთან მაღალი დონის ურთიერთობების შენარჩუნებას“, - ნათქვამია განცხადებაში.

ბელარუსის თავდაცვის უწყებაში ასევე აღნიშნავენ, რომ „საჭიროა ნატო-სთან და ევროკავშირთან ურთიერთობების ეტაპობრივი გაუმჯობესება და სანდო და თანაბარუფლებიანი დიალოგის განვითარება“.