ირაკლი კობახიძე - კონსენსუსი, რომელიც ჩამოყალიბებულია უმრავლესობის რამდენიმე წევრსა და „ნაცმოძრაობას“ შორის, ყველაფერზე მეტყველებს

კონსენსუსი ამ დარბაზში, რომელიც ჩამოყალიბებულია უმრავლესობის რამდენიმე წევრსა და „ნაციონალურ მოძრაობას“ შორის მეტყველებს აბსოლუტურად ყველაფერზე, - ამის შესახებ საქართველოს პარლამენტის თავმჯდომარემ ირაკლი კობახიძემ პლენარულ სხდომაზე განაცხადა, სადაც მოსამართლეთა უვადოდ დანიშვნის შეჩერების შესახებ კანონპროექტის განხილვა მიმდინარეობს.

ირაკლი კობახიძემ კანონპროექტის განხილვის დასრულების შემდეგ კიდევ ერთხელ დააფიქსირა პოზიცია.

„როცა არის ტექსტობრივი უზუსტობა კონსტიტუციასა და კანონს შორის, ამაზე რა თქმა უნდა, პირველ რიგში პასუხისმგებლობას იღებს პარლამენტი და ასევე იურიდიული კომიტეტი. აქ საუბარია მარტივ რაღაცაზე, კანონის ტექსტი პირდაპირ ეწინააღმდეგება კონსტიტუციის ტექსტს.

ჩვენ თუ გვაქვს პრეტენზია რაღაცაზე საქართველოს პარლამენტში, 98 წლის თავზე პირველი კონსტიტუციიდან, უნდა გვქონდეს პრეტენზია პირველ რიგში, რა თქმა უნდა, ერუდიციაზე, კონსტიტუციის ტექსტის კითხვაზე.

პოლიტიკური გადახვევა მინდა გავაკეთო. ჩვენ არაერთხელ გვითქვამს, რომ არის პოლიტიკური მოცემულობა, ეს კონსენსუსი ამ დარბაზში, რომელიც არის ჩამოყალიბებული უმრავლესობის რამდენიმე წევრსა და „ნაციონალურ მოძრაობას“ შორის მეტყველებს აბსოლუტურად ყველაფერზე“, -განაცხადა ირაკლი კობახიძემ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა