კონსტიტუციური სამართლის სპეციალისტის ვახუშტი მენაბდის შეფასებით, მოსამართლეთა უვადოდ განწესების შეჩერების თაობაზე პარლამენტში წარდგენილი პროექტი კონსტიტუციურობაზე სამართლიან კითხვებს აჩენს.

როგორც მენაბდემ „ინტერპრესნიუსს განუცხადა, საჭიროა გაანალიზდეს პროექტის ხარვეზები და მისი ინიცირება ხელახლა მოხდეს.

"მესმის რა სურვილი უდევს საფუძვლად უმრავლესობის მიერ ინიცირებულ კანონპროექტს, მოსამართლეთა დანიშვნების შეჩერებასთან დაკავშირებით. მათ სურთ შეაკავონ კლანის ძალაუფლება საბჭოში და ეს სურვილი დასაფასებელია, მაგრამ ამ პროექტს აქვს ტექნიკური ხარვეზები, ვვარაუდობ სიჩქარით გამოწვეული, რომელიც მის კონსტიტუციურობაზე სამართლიან კითხვებს აჩენს. ამიტომ მგონია, რომ უნდა გაანალიზდეს ეს ხარვეზები და პროექტის ინიცირება ხელახლა მოხდეს, რათა იუსტიციის უმაღლესი საბჭოს არგუმენტებს ლეგიტიმურობა გამოეცალოს. მაგალითად, მოსამართლეთა უვადოდ დანიშვნები 6 წლით კი არ უნდა შეჩერდეს, არამედ რამდენიმე თვით - მანამ, სანამ ის პრობლემები არ გამოსწრდება რომელიც კანონმდებლობაშია", - აცხადებს ვახუშტი მენაბდე.