გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.
როგორც „ინტერპრესნიუსს“ „ენერგო-პრო ჯორჯიადან“ აცნობეს, ქსელის გეგმური სარეაბილიტაციო სამუშაოების გამო, 22 თებერვალს, 11:00 საათიდან 18:00 საათამდე, ელექტროენერგიის მიწოდება შეეზღუდება აბონენტებს დუშეთის რაიონის სოფლებში: შალიკაანთკარი, ბულაჩაური, უნდილაანთკარი, ჟინვალი, წითელსოფელი და მიმდებარე სოფლებში; 13:00 საათიდან 16:00 საათამდე – აბონენტებს ყაზბეგის რაიონის სოფელ სნოში; 14:30 საათიდან 18:00 საათამდე – აბონენტებს მცხეთის რაიონის სოფლებში: ბურიანი, ნავდარაანთკარი, კოტორაანთკარი, გალავანი და მიმდებარე სოფლებში.
კომპანიაში აცხადებენ, რომ სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.