თუ ვინმე გადაწყვეტს ჩვენი გუნდიდან წავლას, მე ვფიქრობ, რომ ეს არ იქნება პრობლემატური და არ შექმნის პრობლემას, - ამის შესახებ პარლამენტის იურდიული კომიტეტის თავმჯდომარე ანრი ოხანაშვილმა განაცხადა.
„ძალიან ბევრი ვისაუბრე მე ამ კანონპროექტის ხარვეზებზე, მის წინააღმდეგობაზე საქართველოს კონსტიტუციასთან. საქართველოს პარლამენტი არის ადგილი, სადაც საკითხი, ნებისმიერი კანონპროექტი, რომელიც განიხილება, სულ მცირე კონსტიტუციის მინიმალურ სტანდარტს მაინც უნდა აკმაყოფილებდეს, რაც ამ კანონპროექტის შემთხვევაში არ იყო. არ იყო დასახული მიზანი, რომ გაუმჯობესებულიყო სასამართლო სისტემაში მდგომარეობა. ვერ უზრუნველყოფდა კიდევ უფრო უკეთესი სასამართლო სისტემის ჩამოყალიბებას და მთავარი - წინააღმდეგობაში იყო საქართველოს კონსტიტუციასთან, ასეთი კანონების მიღება კი, დაუშვებელია. თუ ვინმე მიიღებს გადაწყვეტილებას წასვლის შესახებ, ვფიქრობ, ეს არ იქნება პრობლემატური ჩვენი გუნდისთვის და არანაირ პრობლემას არ შექმნის,“ - განაცხადა ოხანაშვილმა.