"ის პროექტი, რომელიც შემოგვთავაზეს, არ ითვალისწინებს იმას, რომ ღირსეული ადამიანები შევარჩიოთ", - ამის შესახებ იუსტიციის უმაღლესი საბჭოს არამოსამართლე წევრმა ნაზი ჯანეზაშვილმა განაცხადა.
"ამ პროექტში კრიტერიუმებად დასახელებულია, რომ ადამიანი უნდა იყოს მოქმედი ან ყოფილი მოსამართლე ან იურისტი, რომელსაც ჩაბარებული აქვს გამოცდა, შესაბამისად, ეს პროცესი არ იწვევს ნდობას.
ვფიქრობ, მაქსიმალურად უნდა დასახელდეს ისეთი კანდიდატურები და ისეთი პროცედურა შემუშავდეს, რომელიც ღირსეულ ადამიანებს შეიყვანს. განსაკუთრებული არაფერი არ არის შემოთავაზებული. არის კონკურსის ეტაპი. მთავარი არის აქ, რომ კრიტერიუმებით არის დავიწროებული პირთა წრე, რომელიც შესაძლოა გახდეს უზენაესი სასამართლოს მოსამართლე", - აღნიშნა ჯანეზაშვილმა.
ირაკლი კობახიძემ მოსამართლეობის კანდიდატთა შერჩევის პროცედურასა და კრიტერიუმებთან დაკავშირებით დიპლომატიური კორპუსის, არასამთავრობო ორგანიზაციებისა და სასამართლო ხელისუფლების წარმომადგენლებს ახალი ინიციატივა გააცნო.