საპარლამენტო უმრავლესობის წევრის, ნუკრი ქანთარიას შეფასებით, ახლა გუნდში “შენჯღრეული" მდგომარეობაა, ხოლო ირაკლი კობახიძეს არ აღმოაჩნდა ის თვისებები, რაც პარლამენტის თავმჯდომარისთვის არის აუცილებელი.
როგორც ქანთარიამ „ინტერპრესნიუსს“ განუცხადა, აუცილებელია საკადრო ცვლილებები.
„შენჯღრეული მდგომარეობაა გუნდში, ამიტომ კიდევ ერთხელ გამოიკვეთა საკადრო ცვლილების აუცილებლობა, გადანაცვლების დროა, ახალი ენერგიაა საჭირო. ფეხბურთშიც კი, როდესაც წყობა არ ამართლებს, მწვრთნელი გადაანაცვლებს მოთამაშეებს. ასე რომ, პრინციპულად უახლოეს ხანშია გასაკეთებელი ეს გადანაცვლება," - განაცხადა დეპუტატმა.
ნუკრი ქანთარიამ ირაკლი კობახიძის, როგორც პარლამენტის თავმჯდომარის შესაძლებლობები შეაფასა.
„სამწუხაროდ, ირაკლი კობახიძეს არ აღმოაჩნდა ის თვისებები, რაც პარლამენტის თავმჯდომარისთვის არის აუცილებელი", - დასძინა ქანთარიამ.