გიორგი მშვენიერაძე - კოალიციას გვაქვს 5 პრინციპული საკითხი, რომელიც კანონში უნდა იყოს გათვალისწინებული და ამის გარეშე საერთოდ პროცესშიც აღარ მივიღებთ მონაწილეობას

კოალიციას გვაქვს 5 პრინციპული საკითხი, რომელიც კანონში უნდა იყოს გათვალისწინებული და ამის გარეშე არა მარტო მხარს არ დავუჭერთ, არამედ საერთოდ პროცესშიც აღარ მივიღებთ მონაწილეობას, - ამის შესახებ "საქართველოს დემოკრატიული ინიციატივის" წარმომადგენელმა გიორგი მშვენიერაძემ პარლამენტის თავმჯდარე ირაკლი კობახიძესთან შეხვედრის დაწყებამდე ჟურნალისტებს განუცხადა.

მისი თქმით, მოთხოვნების ნაწილი პარლამენტის თავმჯდომარეს უკვე გააცნეს, ხოლო დღეს ამ საკითხს საბოლოოდ განიხილავენ. "პირველი საკითხი არის ის, რომ კონკურსში მონაწილეობა უნდა იყოს გახსნილი საზოგადოებისთვის და მონაწილეობას მხოლოდ ის პირები არ უნდა იღებდნენ, ვისაც მოსამართლის საკვალიფიკაციო გამოცდა აქვთ ჩაბარებული. მეორე საკითხია, საბჭოს იმ წევრებს, ვისაც სურვილი აქვთ კონკურსში მონაწილეობის მიღების, არ უნდა ჰქონდეთ უფლება ამავდროულდ საბჭოში მუშაობის. კონკურსის დასრულებამდე უნდა ჰქონდეთ უფლებამოსოლება შეწყვეტილი. მესამე - ფარდობითი კენჭისყრის ამოღება კანონპროექტიდან, რომელიც საფუძველი უნდა გახდეს ე.წ. გრძელი სიის შექმნის, რადგან ეს საშუალებას აძლევს კლანს, სასამართლოში პირველივე ეტაპზე გამორიცხოს ყველა ის კანდიდატი, რომელსაც ექნება დანარჩენი სამი წევრის მხარდაჭერა. მეოთხე საკითხი არის დაკავშირებული კენჭისყრის პროცესთან. საბჭომ ორი მესამედით უნდა მიიღოს გადაწყვეტილება. ორი მესამედი ხმა უნდა დააგროვინ მოსამართლე წევრებისგან, ხოლო ორი მესამედი არამოსამართლე წევრებისგან. მეხუთე საკითხი, პარლამენტში როდესაც გადმოიგზავნება სია, უნდა შეიქმნას სამუშაო ჯგუფი, რომელიც შეამოწმებს წარმოდგენილი კანდიდატების წარსულს და მოამზადებს მასალებს საკომიტეტო განხილვისთვის", - განაცხადა მშვენიერაძემ.

ამ წუთებში საქართველოს პარლამენტში არასამთავრობო ორგანიზაციები, იუსტიციის უმაღლესი საბჭოს მოსამართლე და არამოსამართლე წევრები პარლამენტის თავმჯდომარეს ირაკლი კობახიძეს ხვდებიან.

იხილეთ ვიდეო: პარლამენტში უზენაესი სასამართლოს მოსამართლეების შერჩევის კრიტერიუმებზე მსჯელობენ

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით