ეუთოს საპარლამენტო ასამბლეის ზამთრის სესია დასრულდა

21-22 თებერვალს, ავსტრიის დედაქალაქში, ევროპაში უსაფრთხოების და თანამშრომლობის ორგანიზაციის (ეუთო) საპარლამენტო ასამბლეის ზამთრის მე-18 სესია გაიმართა. პლენარულ და საკომიტეტო სხდომების ფორმატში 56 ქვეყნის 300-მდე პარლამენტის წევრმა ეუთოს რეგიონში უსაფრთხოების, ეკონომიკის, გარემოს დაცვის და ადამიანის უფლებების, მედიის თავისუფლების და საარჩევნო პროცესების თაობაზე მოხსენებები მოისმინეს და დისკუსიები გამართეს.

ეუთოს საპარლამენტო ასამბლეის ზამთრის სესიის მუშაობაში საქართველოს პარლამენტიდან მონაწილეობა მუდმივმოქმედი დელეგაციის ხელმძღვანელმა, საგარეო ურთიერთობათა კომიტეტის თავმჯდომარემ, სოფიო ქაცარავამ, ეუთოს საპარლამენტო ასამბლეის პრეზიდენტმა, გიგი წერეთელმა და საპარლამენტო უმრავლესობის ლიდერმა, არჩილ თალაკვაძემ მიიღეს. ქართველმა კანონმდებლებმა საკომიტეტო და ორმხრივ შეხვედრებზე საქართველოს ოკუპირებულ ტერიტორიებზე შექმნილ ვითარებასა და აღნიშნულ რეგიონებში ადამიანის უფლებების დარღვევის ფაქტებზე უცხოელ კოლეგებს ინფორმაცია მიაწოდეს და საერთაშორისო ინსტრუმენტების ჩართვის მნიშვნელობაზე ისაუბრეს.

„ძალიან აქტიური და დატვირთული ზამთრის საპარლამენტო ასამბლეა ჩატარდა და ეუთოს რეგიონისთვის აქტუალურ საკითხებზე საინტერესო დებატები გაიმართა. დღეს კიდევ ერთხელ მომეცა საშუალება მიმემართა ეუთოს საპარლამენტო ასამბლეისთვის, სადაც ყურადღება გავამახვილე, თუ რა გადამწყვეტი მნიშვნელობა აქვს საერთაშორისო საზოგადოების პრინციპულ პოზიციას, რათა რუსეთმა საერთაშორისოდ ნაკისრი ვალდებულებები შეასრულოს. მათი შესრულების უზრუნველყოფა კი მშვიდობის და უსაფრთხოების ერთ-ერთ ქვაკუთხედს წარმოადგენს“, - განაცხადა სოფიო ქაცარავამ.

„ეუთოს საპარლამენტო ასამბლეის ზამთრის სესიაზე ბევრი საინტერესო საკითხი იქნა განხილული. მე როგორც ასამბლეის პრეზიდენტმა დელეგაციების ლიდერებთან შეხვედრები გავმართე, სადაც სხვადასხვა საკითხებთან ერთად, რა თქმა უნდა, ჩვენთვის მნიშვნელოვანი საკითხები განვიხილეთ, კერძოდ თუ რა ხდება ჩვენს რეგიონში და ჩვენს ქვეყანაში. არაერთხელ იქნა მწვავედ დასმული ის საკითხები თუ რა ვითარებაა საქართველოს ოკუპირებულ ტერიტორიებზე ადამიანის უფლებების თვალსაზრისით, შავი ზღვის რეგიონში უსაფრთხოების თემები და ამ პროცესებში ჩვენი პარტნიორების ჩართულობის საკითხები. ვფიქრობ, რომ ღირებული დიკუსიები გაიმართა, რომელთა შედეგები რამდენიმე თვეში კონკრეტულ რეზოლუციებში აისახება“, - განაცხადა გიგი წერეთელმა ზამთრის სესიის შეფასებისას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს