ვლადიმერ პუტინი - მსოფლიოში რუსეთის თანამედროვე შეიარაღების ანალოგი კიდევ დიდი ხნის განმავლობაში არ გამოჩნდება

რუსეთის პრეზიდენტის, ვლადიმერ პუტინის განცხადებით, მსოფლიოში რუსეთის თანამედროვე შეიარაღების ანალოგი კიდევ დიდი ხნის განმავლობაში არ გამოჩნდება. კრემლის ლიდერმა ხაზგასმით აღნიშნა, რომ ეს არის შედეგი სახელმწიფოს სისტემური, მიზანმიმართული ზომებისა, მეცნიერთა, კონსტრუქტორთა დაძაბული შრომისა.

მისი თქმით, ეს უნიკალური მიღწევა საფუძვლად უდევს არმიისა და ფლოტის წარმატებულ განვითარებას ათწლეულებით წინ. „ეს კი ნიშნავს უსაფრთხოებას და მშვიდობას რუსეთისთვის, ჩვენ წარმატებულ და დინამიკურ განვითარებას“, - განაცხადა პუტინმა.

რუსეთის ლიდერის თქმით, რუსეთი მშვიდობისმოყვარე სახელმწიფოა, რომელიც განაგრძობს თავდაცვითი პოტენციალის განვითარებას ქვეყნისთვის უსაფრთხოების უზრუნველსაყოფად. „რუსეთი მშვიდობისმოყვარე სახელმწიფოა. ვატარებთ პასუხისმგებლიან საგარეო პოლიტიკას, ვისწრაფვით საერთაშორისო სტაბილურობის განსამტკიცებლად. ჩვენ მომავალშიც განვაგრძობთ თავდაცვითი პოტენციალის გაძლიერებას, შეიარაღებული ძალების განვითარებასა და სრულყოფას. კრემლში კარგად ესმით, რომ თანამედროვე სამყარო რთულია და წინააღმდეგობრივი, ჯერ კიდევ ბევრია გადაუჭრელი კონფლიქტები, გამოწვევები და საფრთხეები. ამიტომ, რუსეთის, ჩვენი მოქალაქეების უსაფრთხოების უზრუნველყოფა ჩვენთვის უპირობო პრიორიტეტია“, - განაცხადა პუტინმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს