ელვის სისწრაფით განვითარდა მოვლენები, ვიღაც ახლა დგას და ამბობს, ეს არის შექმნილი ვერსია, ეკა ბესელია და ბიძინა ივანიშვილი გარიგდნენ, რაღაცა ხელოვნურად მოიფიქრესო, - ამის შესახებ „პალიტრანიუსის“ გადაცემაში „360 გრადუსი“ უმრავლესობის წევრმა ეკა ბესელიამ განაცხადა.
მისი განმარტებით, პარტიიდან წასვლის გადაწყვეტილება მას შემდეგ მიიღო, რაც მასზე მორალური ტერორი დაიწყეს. „ღვთის წინაშე ვამბობ, აბსოლუტურად არ მქონდა დღის წესრიგი. ეს პოლიტიკური პროცესი ჩემთვის აბსოლუტურად ბუნებრივად შეიქმნა. ვიღაცამ როცა გადაწყვიტა მორალური ტერორით უნდა გავეჩერებინე და ჯერ კიდევ არ ვიცი ვინ გადაწყვიტა, მაშინ მივიღე ეს გადაწყვეტილება. პრობლემაა და ჯერ კიდევ ველოდები ორივე უწყებისგან, თადუმაძის და გახარიას უწყებისგან ველოდები ამ კითხვაზე პასუხს“, - განაცხადა ბესელიამ.