შიდასახელმწიფოებრივი მნიშვნელობის წალენჯიხა-ობუჯი-ჯიხაშკარის საავტომობილო გზის 7.2 (კმ7-კმ14.2) კმ-იანი გზის რეაბილიტაცია იწყება.

როგორც „ინტერპრესნიუსს“ გზების დეპარტამენტიდან აცნობეს, სარეაბილიტაციო სამუშაოების დასაწყებად გამოცხადებული ტენდერი დასრულების ეტაპზეა. სარეაბილიტაციო სამუშაოები მიმდინარე წლის მარტში დაიწყება და წლის ბოლოს დასრულდება. სამუშაოებს, საავტომობილო გზების დეპარტამენტის დაკვეთით ტენდერში გამარჯვებული კომპანა განახორციელებს.

უწყების ცნობით, პროექტის შესაბამისად მოხდება გზის სრული რეაბილიტაცია.

„რეაბილიტირდება გზის სავალი ნაწილი, ხელოვნური ნაგებობები და წყალგამტარი მილები. ასევე, განხორციელდება გზის ჰორიზონტალური მონიშვნა და საგზაო ნიშნების მოწყობის სამუშაოები. სამუშაოები სახელმწიფო ბიუჯეტიდან ფინანსდება“, - ნათქვამია გზების დეპარტამენტის ინფორმაციაში.