ხორავას ქუჩაზე მომხდარი მკვლელობის საქმეზე, შეუტყობინებლობის ბრალდებით დაკავებული მირზა სუბელიანის საქმის განხილვა სასამართლოში დასკვნით ეტაპზეა.

თბილისის საქალაქო სასამართლოში სხდომა დღეს, 16:00 საათზე გაიმართება.

დღევანდელ სხდომაზე მხარეები დასკვნითი სიტყვებით წარსდგებიან. აღნიშნულ საქმეზე განაჩენი მოსამართლემ შესაძლოა, დღევანდელ პროცესზევე გამოაცხადოს.

გასულ სხდომაზე მხარეებმა შესავალი სიტყვები წარმოთქვეს. დაცვის მხარეს ბრალდების მხარის მტკიცებულებებიდან მხოლოდ ერთი, პროკურორ მიხეილ შაყულაშვილის ჩვენება ჰქონდა სადავო, თუმცა, აღნიშნული მოწმის ჩვენებაც უდავოდ ცნეს.

შეგახსენებთ, რომ პროკურატურის ყოფილი თანამშრომელი, მირზა სუბელიანი ხორავას ქუჩაზე მომხდარი მკვლელობის საქმეზე 9 ივნისს დააკავეს. მას ბრალი სისხლის სამართლის კოდექსის 376-ე მუხლით აქვს წაყენებული, რაც დანაშაულის შეუტყობინებლობას გულისხმობს.

იხილეთ ვიდეო: მირზა სუბელიანის საქმეზე სასამართლომ გადაწყვეტილება შესაძლოა, დღეს გამოაცხადოს