ეს მემორიალი არის სიმბოლო იმისა, თუ როგორ უნდა გიყვარდეს შენი ქვეყანა, როგორ უნდა იბრძოლო ამ ქვეყნის თავისუფლებისთვის, - ამის შესახებ ჟურნალისტებს კოჯორში, იუნკერთა მემორიალთან „ნაციონალური მოძრაობის“ ერთ-ერთმა ლიდერმა ზაალ უდუმაშვილმა განუცხადა.
მისივე თქმით, 25 თებერვალი არის უმძიმესი დღე საქართველოს ისტორიაში, როდესაც დაიწყო საქართველოს ოკუპაცია და მისი 70- წლიანი გასაბჭოება.
„ჩვენ მოვედით აქ, რათა კიდევ ერთხელ მივაგოთ პატივი იმ გმირებს, რომლებმაც თავი გასწირეს სამშობლოს დამოუკიდებლობისთვის”, - განაცხადა უდუმაშვილმა.