ჩვენ ავაშენებთ ისეთ სახელმწიფოს, სადაც აფხაზებთან და ოსებთან ვიცხოვრებთ ერთად ისე, როგორც ეკადრება ჩვენს წარსულს და ეკადრება ჩვენს მომავალს, - ამის შესახებ ჟურნალისტებს კოჯორში, იუნკერთა მემორიალთან აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ განუცხადა.

მისივე თქმით, სამწუხაროდ, ოკუპაციის მომენტი საქართველოს დღესაც აქვს და ეს არის ძალიან ცუდი.

„რაც ათეული წლის წინ ჩაიდინა რუსეთმა, ამას აგრძელებს სამაჩაბლოში და აფხაზეთში. მინდა კიდევ ერთხელ ვუთხრა ჩვენს გმირ მოსახლეობას, რომელიც არის დარჩენილი იმ ტერიტორიაზე, რომ არ შეიძლება ასეთი რამ გაგრძელდეს 21-ე საუკუნეში უსასრულოდ. ჩვენ ვიქნებით ერთად, გავერთიანდებით, ისევე როგორც ეს ყოფილა იმ საუკუნის დასაწყისში“,-განაცხადა ყოლბაიმ.