სოფო ვერძეული - საზოგადოების ინტერესია, ვისი იდეა იყო ვიდეო კადრებით შანტაჟი

საინტერესო და საჭირო იქნება საკონსტიტუციო სასამართლოს განმარტება, რას ნიშნავს შენახვა და შენახვა გულისხმობს თუ არა ნებისმიერ შემთხვევაში იმას, რომ უნდა იყოს დასჯადი ასეთი ქმედება, - ამის შესახებ „ადამიანის უფლებების სწავლებისა და მონიტორინგის ცენტრის" მართლმსაჯულების პროგრამების დირექტორმა სოფო ვერძეულმა ინტერნეტსივრცეში გავრცელებული ფარულ ვიდეო კადრებთან დაკავშირებული გამოძიების მიმდინარეობის შესახებ განაცხადა.

„თუ გამოძიება გაგრძელდა საბოლოო ჯამში ისე, რომ დაკავებულები აღმოჩნდნენ ის პირები, რომლებიც ვიდეოს გავრცელების პირველ წყაროს არ წარმოადგენენ, არც იდეის ავტორებს და არც ამტვირთავებს ინტერნეტში, რა თქმა უნდა ეს საზოგადოების მოთხოვნას ვერ დააკმაყოფილებს, იმიტომ, რომ საზოგადოების ინტერესია, თუ ვინ დაგეგმა, ვისი იდეა იყო ამ კონტექსტში თემის შემოტანა დისკუსიაში და ვიდეო კადრებით შანტაჟი. საზოგადოებას უნდა ესმოდეს, რომ გვაქვს მუხლი, რომელიც შენახვასაც, გავრცელებასაც და სხვაგვარ ხელმისაწვდომობასაც დასჯადად აცხადებს და ძალიან მნიშვნელოვანია, რომ სწორი ინფორმაცია უნდა ჰქონდეს საზოგადოებასაც და არ უნდა მივიღოთ შედეგი, რომ ადამიანები, რომელსაც უბრალოდ გამოუგზავნეს ვიდეო და შეიძლება არც კი უნახავს და არც კი იცის ვიდეოს შინაარსი, პასუხისგებაში მიეცნენ. მე როგორც ვიცი, არის იდეაც საკონსტიტუციო სასამართლოსთვის მიმართვის და საინტერესო და საჭირო იქნება საკონსტიტუციო სასამართლოს განმარტება რას ნიშნავს შენახვა და შენახვა გულისხმობს თუ არა ნებისმიერ შემთხვევაში იმას, რომ უნდა იყოს დასჯადი ასეთი ქმედება“, - განაცხადა სოფო ვერძეულმა.

შეგახსენებთ, დეპუტატ ეკა ბესელიას პირადი ცხვრების ამსახველი ფარული ვიდეო კადრების შენახვისა და გავრცელების ბრალდებით საგამოძიებო უწყებებმა 18-მდე პირი დააკავეს, თუმცა ამ დრომდე უცნობია იმ პირის, ან პირთა ჯგუფის ვინაობა ვინც კადრების გავრცელების ორგანიზება ედება ბრალად.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს