უმრავლესობის კიდევ ერთი დეპუტატი, რომელმაც შესაძლოა, უმრავლესობის რიგები დატოვოს, მირიან წიკლაურია.
„ინტერპრესნიუსთან“ საუბრისას წიკლაურმა აქცენტი ეკონომიკურ პოლიტიკისა და საპენსიო რეფორმაზე გააკეთა და აღნიშნა, რომ არის საკითხები, რაზეც მას განსხვავებული ხედვები და მოსაზრებები აქვს.
„არის აზრთა სხვადასხვაობა და ჩემი უმრავლესობაში დარჩენა-არ დარჩენა იმაზეა დამოკიდებული, თუ რომელი აზრი გადაწონის. მე არ ვარ პარტია „ქართული ოცნების“ წევრი და მით უფრო თავისუფალი ვარ არჩევანში“, - აღნიშნა მირიან წიკლაურმა.
მირიან წიკლაური პარლამენტში ფრაქცია „ქართული ოცნება - სოციალ-დემოკრატების“ წევრია.