გია ჟორჟოლიანი არ გამორიცხავს, რომ მისი ფრაქციის წევრებმა საპარლამენტო უმრავლესობა დატოვონ

ჩვენ ადრეც გადაწყვეტილი გვქონდა, 2020 წლის არჩევნებში დამოუკიდებლად მიგვეღო მონაწილეობა, მაგრამ ვფიქრობდით, რიგ გადაწყვეტილებებზე გარკვეული ზეგავლენა მოგვეხდინა. ახლა ვფიქრობ, ამ მიმართულებას პერსპექტივა არ აქვს,- ამის შესახებ ფრაქცია "ქართული ოცნება - სოციალ-დემოკრატების" თავმჯდომარე გია ჟორჟოლიანმა ჟურნალისტებს განუცხადა.

ჟორჟოლიანის თქმით, მას არ აქვს იმედი, რომ საპარლამენტო უმრავლესობა მისი ფრაქციის საკანონმდებლო ინიციატივებს გაიზიარებს სოციალ-ეკონომიკური პოლიტიკის მიმართულებით, შესაბამისად, ჟორჟოლიანის განცხადებით, ფრაქციის წევრები საპარლამენტო უმრავლესობას, სავარაუდოდ, დატოვებენ.

"ჩვენ დიდიხანია ვფიქრობთ, გავაგრძელოთ თუ არა უმრავლესობაში ჩვენი საქმიანობა. გვქონდა კონსულტაციები, მათ შორის ბიძინა ივანიშვილთან. უმრავლესობას სხვადასხვა საკანონმდებლო ინიციატივით მივმართეთ. დღესაც ვაპირებთ კიდევ ერთი საკანონმდებლო ინიციატივის შეტანას. ჩვენი უმრავლესობაში ყოფნა განპირობებული იყო იმითი, რომ გვინდოდა რადიკალურად შეგვეცვალა ის პოლიტიკა, რომელიც ინერციულად გრძელდება "ნაციონალური მოძრაობის" შემდეგ. ერთ-ერთი მთავარი საკითხია სამართლიანი საგადასახადო სისტემის დამკვიდრება, მეორე - ისეთი ეკონომიკური პოლიტიკის წარმართვა, სადაც სახელმწიფო ასრულებს ლოკომოტივის როლს, მათ შორის სასამართლოს საკითხიც და განათლების პოლიტიკა, რომელიც მჭიდრო კავშირში უნდა იყოს ეკონომიკასთან.

ჩვენ ადრეც გადაწყვეტილი გვქონდა, 2020 წლის არჩევნებში დამოუკიდებლად მიგვეღო მონაწილეობა, მაგრამ ვფიქრობდით რიგ გადაწყვეტილებებზე გარკვეული ზეგავლენა მოგვეხდინა და ისინი ახლავე ყოფილიყო მიღებული უმრავლესობის მიერ. ვფიქრობ, ამ მიმართულებას პერსპექტივა არ აქვს. კიდევ შევიტანთ რამდენიმე კანონპროექტს და უახლოესი 2 კვირის განმავლობაში დაველოდებით განხილვას. ჩემი მოლოდინია, რომ ეს პოლიტიკა არ შეიცვლება. ამიტომ ჩვენ შევეცდებით უფრო ფართო საზოგადოებაზე გავიდეთ და დამოუკიდებლად ვიმოქმედოთ. ეს იქნება ფრაქციის წევრთა გადაწყვეტილება. ვიღაცის შეიძლება დღეს იყოს, ვიღაცის ხვალ,"- განაცხადა ჟორჟოლიანმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა