გადაუდებელი სამუშაოების ჩატარების გამო, 26 თებერვალს ელექტრომომარაგება დროებით შეიზღუდება.
როგორც „ინტერპრესნიუსს“ სს „თელასიდან“ აცნობეს, კრწანისის რაიონში გადაუდებელი სამუშაოების გამო 13:00 საათიდან 17:00 საათამდე შეზღუდვა შეეხება: სოფელ თელეთის (ნაწილობრივ), ზემო ფონიჭალის დასახლების, ფონიჭალის დასახლების III მიკრორაიონის, ვირსალაძის და თელეთის (ნაწილობრივ) ქუჩების მცხოვრებლებს.
სამგორის რაიონში 10:00 საათიდან 17:00 საათამდე შეზღუდვა შეეხება: ლილოს დასახლების, საქნავთობის დასახლების, იუმაშევის, ჭირნახულის და არსენ მეკოკიშვილის ქუჩების მცხოვრებლებს.
ისნის რაიონში 10:30 საათიდან 17:00 საათამდე შეზღუდვა შეეხება: მეველეს ქუჩის მცხოვრებლებს.
ნაძალადევის რაიონში 11:00 საათიდან 12:00 საათამდე შეზღუდვა შეეხება: თემქის დასახლების XI მიკრორაიონის I კვარტლის მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო და აცხადებს, რომ სამუშაოების დასრულების შემდეგ აბონენტებს ელექტრომომარაგება აღუდგება.