კიდევ ერთი დეპუტატი, ვინც შესაძლოა, უმრავლესობის რიგებს გია ჟორჟოლიანთან და მირიან წიკლაურთან ერთად გამოაკლდეს, რუსლან პოღოსიანია.

პოღოსიანი ეკა ბესელიასა და ლევან გოგიჩაიშვილის თანამოაზრე დეპუტატთა შორისაა. პარლამენტში არსებული დაუდასტურებული ინფორმაციით, უმრავლესობიდან წასასვლელად პოღოსიანიც ემზადება.

“ინტერპრესნიუსმა“ რუსლან პოღოსიანთან დაკავშირება ვერ შეძლო, თუმცა როგორც სააგენტოს გია ჟორჟოლიანმა განუცხადა, “რუსლანი იმ დეპუტატთა შორის არის, ვისთანაც ამ საკითხზე მიდის მსჯელობა“.

“რუსლანს რომ ჰკითხოთ, ისიც იგივეს გეტყვით“, - დასძინა გია ჟორჟოლიანმა.