სახალხო დამცველი საბჭოთა საოკუპაციო რეჟიმის წინააღმდეგ ბრძოლაში დაღუპული მეომრების ხსოვნასთან დაკავშირებით განცხადებას ავრცელებს

საქართველოს სახალხო დამცველი ნინო ლომჯარია საბჭოთა საოკუპაციო რეჟიმის წინააღმდეგ ბრძოლაში დაღუპულ მეომრებს პატივს მიაგებს. ამის შესახებ ნათქვამია სახალხო დამცველის განცხადებაში, რომელსაც საბჭოთა ოკუპაციის დღესთან დაკავშირებით ავრცელებს.

„25 თებერვალი თავისუფლებისთვის, დასავლური ღირებულებებისთვის, უფლებებისა და თავისუფლებების დასაცავად ბრძოლის ტრაგიკული და სიმბოლური დღეა. საბჭოთა ოკუპაციას ადამიანის ძირითადი უფლებებისა და თავისუფლებების 70-წლიანი უგულვებელყოფა, ასეულათასობით საქართველოს მოქალაქის რეპრესია, დახვრეტა და გადასახლება მოყვა.

სამწუხაროდ, ოკუპაცია დღემდე გრძელდება. 2016 წლის მაისში საოკუპაციო ხაზთან მოკლული გიგა ოთხოზორია, 2018 წლის თებერვალში ცხინვალის იზოლატორში წამებით მოკლული არჩილ ტატუნაშვილი და სხვა მკვლელობები, მკვლელობათა გამოუძიებლობა, მკვლელთა დაუსჯელობა, საოკუპაციო ხაზზე ხშირი უკანონო დაკავებები, მუდმივი მცოცავი ანექსია, საინფორმაციო ომი – ნათლად წარმოაჩენს, რომ გასული საუკუნის დასაწყისში დაწყებული ოკუპაცია კვლავ გრძელდება. მოპოვებულ თავისუფლებას კი დაცვა და შენარჩუნება ყოველდღიურ რეჟიმში სჭირდება“, - ნათქვამია განცხადებაში.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 16.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება