დავით ზალკალიანი ინდონეზიელ კოლეგას შეხვდა

საქართველოს საგარეო საქმეთა მინისტრმა დავით ზალკალიანმა ქ. ჟენევაში გაეროს ადამიანის უფლებათა საბჭოს მაღალი დონის სეგმენტის ფარგლებში ინდონეზიის საგარეო საქმეთა მინისტრთან რეტნო ლესტარ პრიანსარი მარსუდისთან შეხვედრა გამართა.

როგორც ,,ინტერპრესნიუსს“ საგარეო საქმეთა სამინისტროდან აცნობეს შეხვედრაზე მინისტრებმა მიმოიხილეს ორი ქვეყნის თანამშრომლობის საკითხები, როგორც ორმხრივი, ასევე საერთაშორისო ორგანიზაციების ფარგლებში.

დადებითი შეფასება მისცეს ინდონეზიისა და საქართველოს მთავრობის წარმატებულ და ნაყოფიერ თანამშრომლობას ინდონეზიისთვის კარგი მმართველობის და სახელმწიფო სერვისების სფეროში საქართველოს წარმატებული რეფორმების გაზიარებისა და მათი იმპლემენტაციის საქმეში.

დადებითად შეფასდა ასევე საქართველოს წარმატებული თანამშრომლობა და ურთიერთობის დინამიკა სამხრეთ აზიის ერების ასოციაციასთან.

უწყების ინფორმაციით მინისტრებმა გამოხატეს მზაობა ხელი შეუწყონ ინდონეზიასა და საქართველოს შორის სავაჭრო და ეკონომიკური კავშირების გააქტიურებას, ამ მხრივ ხაზი გაესვა საქართველოს მნიშვნელოვან რეგიონალურ ფუნქციას, მის სატრანზიტო შესაძლებლობებს, ქვეყანაში არსებულ ბიზნეს და საინვესტიციო გარემოს. აღინიშნა, რომ ქვეყნებს შორის ორმხრივი ურთიერთობების განვითარებაში განსაკუთრებით პოზიტიური როლის შესრულება შეუძლია საქართველოში ინდონეზიის წარმომადგენლობის ოფისის გახსნას, რომელიც უახლოეს მომავალში იგეგმება.

მინისტრების შეხვედრაზე ასევე საუბარი შეეხო საერთაშორისო დღის წესრიგში არსებულ საკითხებს. მინისტრმა კოლეგას მიაწოდა ინფორმაცია რეგიონში არსებული გამოწვევების, საქართველოს ოკუპირებულ ტერიტორიებზე შექმნილი რთული ჰუმანიტარული და ადამიანის უფლებების მდგომარეობის შესახებ და ხაზი გაუსვა აღნიშნული საკითხის საერთაშორისო ორგანიზაცების, განსაკუთრებით კი გაეროს ადამიანის უფლებათა საბჭოს დღის წესრიგში არსებობის მნიშვნელობას.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა