მოზარდების მკვლელობის საქმეზე ერთ-ერთი მსჯავრდებულის ადვოკატი - ამოწურულია იმედი, რომ კალანდიები სასამართლოში სიმართლეს იტყვიან

ნამდვილად ამოწურულია იმის იმედი, რომ კალანდიები სასამართლოში სიმართლეს იტყვიან, - ამის შესახებ ჟურნალისტებს ხორავას ქუჩაზე მომხდარი მკვლელობის საქმეზე მსჯავრდებული გ.ბ.-ს ადვოკატმა, რამაზ ჩინჩალაძემ განუცხადა.

როგორც მან ჟურნალისტებთან განმარტა, დღევანდელ სასამართლო სხდომაზე ადვოკატებს მოწმის სახით გამოსაკითხ პირთან, ლუკა კალანდიასთან ბევრი კითხვა ექნებათ. ჩინჩალაძე იმედოვნებს, რომ კალანდიების ჩვენებას სასამართლო ობიექტურად შეაფასებს.

„დღეს დაცვის მხარე გააგრძელებს ლუკა კალანდიას დაკითხვას. კონკრეტულ კითხვებს ამ ეტაპზე ვერ გავაჟღერებ. საწყენია, როცა მოწმე სამართალდამცავ ორგანოებში, ან სასამართლოში ყოველ ჯერზე, ურთიერთსაწინააღმდეგო და ურთიერთგამომრიცხავ ჩვენებებს აფიქსირებს. ეს ვნებს მართლმსაჯულებას.

ძმები კალანდიების ბოლო ჩვენებები შეიძლება შედიოდეს პროკურატურის ინტერესში, მაგრამ სამართლიანი მართლმსაჯულების ინტერესში ნამდვილად არ შედის ის, რასაც ძმები აფიქსირებენ.

ნამდვილად ამოწურულია იმის იმედი, რომ კალანდიები სასამართლოში სიმართლეს იტყვიან. თუმცა, იმედი მინდა დავიტოვო, რომ მათ ჩვენებებს სასამართლო ობიექტურად შეაფასებს", - აცხადებს ჩინჩალაძე.

მისი განმარტებით, კალანდიასთან კითხვები მისი ბიძის, მირზა სუბელიანის გავლენებთან დაკავშირებითაც ექნებათ.

„კითხვები არის კალანდიების ბიძის გავლენებთან დაკავშირებით. როცა მიხეილ კალანდიამ ჩვენება მისცა სასამართლოში, სადაც დააფიქსირა, რომ დანები არ დაუნახავს არავის ხელში, მათ შორის, ჩემი დაცვის ქვეშ მყოფის ხელში, მას შემდეგ ის ბიძასთან იმყოფებოდა სახლში და დიდი ალბათობით, მასზე გავლენა მოხდა არა იმ პირის მიერ, ვინც პასუხისგებაშია მიცემული, არამედ მისი ბიძის მხრიდან, რადგან კალანდია სტუმრად ერთი ღამით მასთან იმყოფებოდა", - განაცხადა ჩინჩალაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს