გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

როგორც „ინტერპრესნიუსს“ „ენერგო-პრო ჯორჯიადან“ აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო, 27 თებერვალს 10:00-დან 18:30 საათამდე ელექტროენერგიის მიწოდება შეეზღუდებათ აბონენტებს მცხეთის მუნიციპალიტეტის სოფლებში ნაფეტვრები, მსხალდიდი, ლისი, მუხათწყარო.

ასევე, 12:00-დან 16:00 საათამდე ელექტროენერგიის მიწოდება შეეზღუდებათ სოფლებში ნატახტრის, წილკნის, სელექციისა და მისაქციელის აბონენტებს.

„ენერგო-პრო ჯორჯიას“ ცნობით, 12:00-დან 15:00 საათამდე ძაბვა შეუწყდებათ დუშეთის მუნიციპალიტეტის სოფლებს: ჭოპორტი, მაღრაანი, ნოჯიკეთი, ზემო ღარისწყალა, აბანოსხევი და მიმდებარე სოფლებს.

კომპანიის ინფორმაციით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.