რომან კაკულია - პროკურატურის ხელმძღვანელს ესმის, როგორ მდგომარეობაში ჩაგვაყენა ჩვენ, როგორ მდგომარეობაში ჩააყენა ბიძინა ივანიშვილი, რადგან მის სახელს უკავშირებენ ყველაფერს

პროკურატურის ხელმძღვანელს ესმის ყველაფერი, როგორ მდგომარეობაში ჩაგვაყენა ჩვენ, როგორ მდგომარეობაში ჩააყენა თავად ბიძინა ივანიშვილი, რადგან მის სახელს უკავშირებენ ყველაფერს, - ამის შესახებ დარგობრივი ეკონომიკისა და ეკონომიკური პოლიტიკის თავმჯდომარემ რომან კაკულიამ ტელეკომპანია „პალიტრანიუსის“ გადაცემაში „360 გრადუსი“ განაცხადა.

გადაცემის წამყვანის კითხვა შეეხებოდა პროკურატურის გადაწყვეტილებას, საჯარო განცხადება გაეკეთებინა და ინფორმაცია გაევრცელებინა „თიბისი ბანკის“ საქმეზე. გადაცემის წამყვანმა რომან კაკულიას ჰკითხა, მისი შეფასებით, რამდენად წინდაუხედავად მოიქცა პროკურატურა „თიბისი ბანკთან“ მიმართებაში.

„თქვენ საუბრობთ პროკურატურის მიდგომების ერთგვაროვნებაზე ყველა საქმის მიმართ. ცხადია, ეს ჩემშიც იწვევს ეჭვს და გარკვეულ არაკომფორტულ სიტუაციაშიც მაყენებს. რატომ უნდა დავიკავო პოზა: „რას ამბობთ, ეს რა მითხარით“, მაგრამ პროკურატურის ხელმძღვანელს ესმის ყველაფერი, როგორ მდგომარეობაში ჩაგვაყენა ჩვენ, როგორ მდგომარეობაში ჩააყენა თავად ბიძინა ივანიშვილი, რადგან მის სახელს უკავშირებენ ყველაფერს. ამიტომ პროკურატურამ ეს ყველაფერი უნდა გაითვალისწინოს და ისეთი კვალიფიციური შედეგები დადოს, რომ ეს შეკითხვები მოიხსნას, გარკვეულ გონივრულ ვადაში. ამ მოცემულობაში, ყველა, ვინც ამ თემას აკრიტიკებს, მართალია, იმიტომ, რომ შენ საბოლოო შედეგი ჯერ არ დაგიდია, საუბრობ რაღაც ვარაუდებით. თანაც უკვე ისეთ დაღმართზე ხარ შენი მმართველობის მეშვიდე წელს, რომ უკვე ოქროც რომ გამოიტანო, შეიძლება გითხრან, ნახშირიაო“, - განაცხადა რომან კაკულიამ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო