შვედეთის უშიშროების პოლიციამ რუსეთის სასარგებლოდ ჯაშუშობაში ეჭვმიტანილი დააკავა. ამის შესახებ ინფორმაციას შვედეთის უშიშროების პოლიცია ავრცელებს.

„დაკავებულია პირი, რომელიც ეჭვმიტანილია არაკანონიერ სადაზვერვო საქმიანობაში შვედეთის წინააღმდეგ. აღნიშნულთან დაკავშირებით უშიშროების პოლიცია გამოძიებას ატარებს“, - ნათქვამია განცხადებაში.

არსებული ინფორმაციით, აღნიშნული პირი სტოკჰოლმში 26 თებერვალს დააკავეს.

„საუბარია პირზე, რომელიც ეჭვმიტანილია იმაში, რომ ის „დავერბოვკებული“ იყო რუსეთის დაზვერვის აგენტის მიერ“, - განმარტა შვედეთის კონტრდაზვერვის წარმომადგენელმა.

არსებული ინფორმაციით, დაკავებული პირი შვედეთში მაღალი ტექნოლოგიების სფეროში მუშაობს.