ილჰამ ალიევი - საქართველო-აზერბაიჯანის ერთობლივ პროექტებს დიდი სარგებელი მოაქვს

საქართველო-აზერბაიჯანის მიერ განხორციელებულ ერთობლივ პროექტებს, მათ შორის ტრანსპორტის სფეროში დიდი სარგებელი მოაქვს, ფაქტია, რომ ჩვენ ვართ სწორ გზაზე, - ამის შესახებ აზერბაიჯანის პრეზიდენტმა ილჰამ ალიევმა საქართველოს პრეზიდენტ სალომე ზურაბიშვილთან შეხვედრის შემდეგ გამართულ ერთობლივ პრესკონფერენციაზე განაცხადა.

ალიევმა პრესკონფერენციაზე ენერგეტიკულ პროექტებს გაუსვა ხაზი და აღნიშნა, რომ საქართველოს პრეზიდენტთან შეხვედრისას უკვე განხორციელებულ პროექტებზე ისაუბრა.

„თუ ისტორიას გადავხედავთ, 90-იანი წლების ბოლოს ბაქო-სუფსის აშენება იყო დიდი მოვლენა, ამით კი შესაძლებლობა მოგვეცა შავი და კასპიის ზღვები დაგვეკავშირებინა ერთმანეთთან. ამის შემდეგ ბაქო-თბილისი-ჯეიჰანის ნავთობსადენი აშენდა, შემდეგ ბაქო-თბილისი-ერზრუმის გაზსადენი, ეს ყველაფერი კი ერთობლივი ძალისხმევით მოხდა. დღეს ეს პროექტები ჩვენს ეკონომიკურ განვითარებას აძლიერებს და ამ მარშრუტით დღეს სამხრეთ გაზის კორიდორი წარმატებით რეალიზდება. ეს კი რეგიონში ყველაზე დიდი ინფრასტრუქტურული პროექტია. გასულ წელს მოხდა მისი ოფიციალური გახსნა, ძირითადი ნაწილი ექსპლუატაციაში უკვე გადაეცა. ყველა ეს პროექტი რეგიონისთვის ძალიან მნიშვნელოვანია და ემსახურება ასევე თანამშრომლობის გაღრმავებას. თუ პროექტების დაწყების დროს სამი ქვეყანა - საქართველო, თურქეთი და აზერბაიჯანი თანამშრომლობნდნენ, ახლა შემოგვიერთდნენ სხვა პარტნიორებიც“, - განაცხადა ალიევმა.

აზერბაიჯანის პრეზიდენტმა ტრანსპორტის სფეროში არსებულ თანამშრომლბას გაუსვა ხაზი და აღნიშნა, რომ ბაქო-თბილისი-ყარსის რკინიგზა წარმატებული პროექტია.

„იზრდება ტვირთების გადაზიდვა. ჯერ პირველ ეტაპზე ვართ, მაგრამ უკვე ვხედავთ მის სარგებელს. აქედან გამომდინარე, შეიძლება ვთქვათ, რომ ჩვენ ვართ სწორ გზაზე. ბაქო-თბილისი-ყარსის რკინიგზის გახსნის შემდეგ აზერბაიჯანმა თავის მეზობლებთან მიაღწია შეთანხმებებს და შედეგად, ტვირთბრუნვა კიდევ გაიზრდება. ყველა სფეროში ჩვენს თანამრომლობას დიდი პერსპექტივები გააჩნია. ჩვენ გაგვაჩნია პოლიტიკური ნება, საქართველო და აზერბაიჯანი მომავალშიც მხარს დაუჭერენ ერთმანეთს, ვიფიქრებთ ახალ პროექტებზე. დარწმუნებული ვარ, ჩვენს ხალხებს და სახელმწიფოს დიდი მომავალი აქვს. დღევანდელი ოფიციალური ვიზიტი ჩვენი ურთიერთობებისთვის დიდი მნიშვნელობის მატარებელია“, - განაცხადა ალიევმა.

აზერბაიჯანის პრეზიდენტის თქმით, ორი ქვეყნის პირველმა პირებმა ისაუბრეს განათლების, კულტურის და სხვა სფეროებში თანამშრომლობის გაღრმავებაზე.

მისი თქმით, მნიშვნელოვანია, რომ აზერბაიჯანში მცხოვრები აზერბაიჯანელები და ქართველები დიდ როლს თამაშობენ ორი ქვეყნის ურთიერთობების გაღრმავებაში.

„საქართველო და აზერბაიჯანი მრავალეთნიკური ქვეყნებია. ჩვენს ქვეყნებში მცხოვრები ყველა ხალხების წარმომადგენლები თავს გრძნობენ კომფორტულად და ეს ჩვენი ქვეყნების დღევანდელი და მომავალი განვითარებისთვის მნიშვნელოვანი ფაქტორია. საქართველოს პრეზიდენტი შეხვდება ეთნიკურ ქართველებს, ეს მათთვისაც მნიშვნელოვანი იქნება. დარწმუნებული ვარ, ძალიან გაუხარდებათ. მჯერა, გაეცნობით ამ რეგიონს და კარგ შთაბეჭდილებას მოახდენს თქვენზე“, - აღნიშნა ალიევმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს