სალომე ზურაბიშვილი - ერთობლივი ძალისხმევა აუცილებელია, რომ საქართველო-აზერბაიჯანის პოტენციალი სერიოზულ პერსპექტივად ვაქციოთ

ერთობლივი ძალისხმევა აუცილებელია იმისთვის, რომ ჩვენი ორი ქვეყნის პოტენციალი ვაქციოთ სერიოზულ პერსპექტივად. ამისთვის ყველანაირი პოტენციალი გაგვაჩნია ორივე ქვეყანას და დარწმუნებული ვარ, ეს არ არის მხოლოდ პერსპექტივა, არამედ ეს არის ხვალინდელი დღეც, - ამის შესახებ საქართველოს პრეზიდენტმა სალომე ზურაბიშვილმა აზერბაიჯანის პირველ პირთან, ილჰამ ალიევთან ერთად გამართულ პრესკონფერენციაზე განაცხადა.

„სატრანსპორტო კორიდორი არის ძალიან მნიშვნელოვანი. ამ კორიდორმა შეიძლება მოგვცეს თანამშრომლობის ის ღერძი, რომელიც ადრე მხოლოდ ენერგეტიკის სფეროში იყო. სატრანსპორტო ქსელი ეს არის დღევანდელი მსოფლიოსთვის ყველაზე დიდი პოტენციალით სავსე მიმართულება. ტრანსპორტი მსოფლიოსთვის არის ძალიან მნიშვნელოვანი და ვიცით, რა მნიშვნელობა აქვს აზიის - ჩინეთი და ევროპის გაერთიანებას. ჩვენ ვდგავართ ამ გზაზე, რომელიც არის ყველაზე მოკლე გზა, მაგრამ ჯერ ამ გზის ყველა საშუალება არ გვაქვს განვითარებული. მისი განვითარება კი ჩვენზეა დამოკიდებული. თქვენ ახსენეთ, რას აკეთებთ კასპიის ზღვაზე - ეს ძალიან მნიშვნელოვანია. ჩვენ ვმუშაობ იმაზე, რომ შავ ზღვას მივცეთ თავის გაშლა. განვითარდეს ურთიერთობა რუმინეთის, ბულგარეთის და ქართულ პორტებს შორის. საჭიროა საქართველოს ინფრასტრუქტურისა და ლოჯისტიკის განვითარება. ეს არის ახალი პროექტი, სატრანპორტო ქსელი, რომელიც ევროკავშირის დახმარებითა და ინვესტიციებით განხორციელდება, მაგრამ ჩვენ მზად ვართ, რომ საერთო ინვესტიციებიც მოხდეს ამ დარგში, რომ აზერბაიჯანთან ერთად გამოვიყენოთ ის საშუალება, რომელიც მოგვეცა ჩვენ იმით, რომ გვაქვს ჩინეთთან თავისუფალი ვაჭრობის ხელშეკრულება და ასევე ევროკავშირთან“,- განაცხადა სალომე ზურაბიშვილმა.

პრეზიდენტმა ილჰამ ალიევი საქართველოში ზაფხულში დაგეგმილ ბათუმის კონფერენციაზე მოიწვია. თავის მხრივ კი ილჰამ ალიევისაგან მიიღო შემოთავაზება, რომ ჩინეთში საქართველო - აზერბაიჯანის ერთობლივი დელეგაცია გაიგზავნოს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს