თბილისში ატმოსფერული ჰაერის მდგომარეობასთან დაკავშირებით პარლამენტში განხილვა გაიმართა

საპარლამენტო ზედამხედველობის გაუმჯობესების მიზნით, პარლამენტში შექმნილი თემატური მოკვლევის ჯგუფის სამუშაო სხდომაზე, სახელმწიფო აუდიტის სამსახურის წარმომადგენლებმა თბილისში ატმოსფერული ჰაერის მდგომარეობასთან დაკავშირებით აუდიტის ანგარიში წარადგინეს. ამის შესახებ ინფორმაციას სახელმწიფო აუდიტის სამსახური ავრცელებს.

მათი ცნობით, გარემოს დაცვისა და ბუნებრივი რესურსების კომიტეტის ინიციატივით გამართულ შეხვედრას სახელმწიფო აუდიტის სამსახურიდან გენერალური აუდიტორის მოადგილე დავით გოგიჩაიშვილი, ეკონომიკური საქმიანობის სფეროს აუდიტის დეპარტამენტის უფროსი თორნიკე შერმადინი, სოფლის მეურნეობისა და გარემოს დაცვის სამინისტროს, თბილისის მერიის და გარემოს დაცვის საკითხებზე მომუშავე არასამთავრობო სექტორის წარმომადგენლები ესწრებოდნენ.

ინფორმაციაში აღნიშნულია, რომ სახელმწიფო აუდიტის სამსახურის წარმომადგენლებმა პასუხი გასცეს დეპუტატების შეკითხვებს ანგარიშში ასახულ მიგნებებთან დაკავშირებით, ასევე გააცნეს ინფორმაცია სხვადასხვა უწყების მიმართ გაცემული რეკომენდაციების შესრულების მიმდინარეობაზე.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში