საქართველოს პრეზიდენტი სალომე ზურაბიშვილი, რომელიც ბაქოში ოფიციალური ვიზიტით იმყოფება, აზერბაიჯანის რესპუბლიკის პრემიერ-მინისტრ ნოვრუზ მამედოვს სამუშაო ლანჩზე შეხვდა.

როგორც „ინტერპრესნიუსს“ საქართველოს პრეზიდენტის ადმინისტრაციიდან აცნობეს, განსაკუთრებული აქცენტი ორი ქვეყნის მეგობრობასა და თანამშრომლობაზე გაკეთდა.

„აღინიშნა, რომ საქართველო - აზერბაიჯანს შორის არსებული გამორჩეული პარტნიორობა და ერთობლივი ენერგო და სატრანსპორტო პროექტების მიმართ ერთგული დამოკიდებულება უკეთესი მომავლის მომტანია მილიონობით ადამიანისთვის რეგიონსა, თუ მსოფლიოში“, - ნათქვამია ინფორმაციაში.