“ევროპული საქართველოს“ ინიციატივით, პირებს, ადგილობრივი მნიშვნელობის გზებზე ტექდათვალიერების არმქონე ავტომობილებით გადაადგილების გამო, ჯარიმა არ უნდა დაეკისროთ

“ევროპული საქართველო“ პარლამენტს საკანონმდებლო ინიციატივას სთავაზობს, რომლის თანახმადაც, ფიზიკურ პირებს ადგილობრივი მნიშვნელობის გზებზე ტექდათვალიერების არმქონე ავტომობილებით გადაადგილების გამო, ჯარიმა არ დაეკისრებათ.

უმცირესობის ლიდერმა დავით ბაქრაძემ პარლამენტში გამართულ პრესკონფერენციაზე კანონპროექტი წარადგინა, რომლის გათვალისწინებით, 2025 წლის 1 იანვრამდე ადმინისტრაციული პასუხისმგებლობა არ დაეკისრება ფიზიკურ პირს, რომელიც მართავს მსუბუქ ავტომობილს, მსუბუქი მისაბმელით ან მის გარეშე ადგილობრივი მნიშვნელობის საავტომობილო გზებზე, დედაქალაქის საავტომობილო გზების გარდა.

“საკანონმდებლო ცვლილებების ამოცანაა, დაეხმაროს სოფლად მცხოვრებ მოსახლეობას იმ პრობლემების მოგვარებაში, რომელიც ტექდათვალიერების შემოღებამ შექმნა. საქართველოს ძალიან ბევრ სოფელში მიწის ნაკვეთები, ვენახები, ყანები სოფლიდან მოშორებით არის და ადამიანები იქამდე საკუთარი ავტოსატრანსპორტო საშუალებებით გადაადგილდებიან. რთული ეკონომიკური პირობებიდან გამომდინარე, სოფელში მცხოვრები ადამიანების უმეტესობას ძველი ავტომობილი ჰყავს და არანაირი პერსპექტივა არ არსებობს, რომ ეს ავტომობილები ტექდათვალიერებას გაივლიან. იქმნება სიტუაცია, როდესაც სოფლად მცხოვრები მოსახლეობა ან ვეღარ მოახერხებს საკუთარ ყანაში მისვლას ან გადაადგილდება, მაგრამ დააჯარიმდება. ჩვენი საკანონმდებლო ინიციატივის მიხედვით, სოფელში მცხოვრებ მოსახლეობისთვის გადავადდება ტექდათვალიერების მოთხოვნა იმ შემთხვევაში, თუ ისინი არ გადაადგილდებიან ცენტრალური მნიშვნელობის მაგისტრალზე და მათი გადაადგილება სასოფლო და მეორად გზებზე მოხდება”, - განაცხადა დავით ბაქრაძემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა