გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.
როგორც „ინტერპრესნიუსს“ კომპანიიდან აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო, 1 მარტს 10:00-დან 18:30 საათამდე ელექტროენერგიის მიწოდება შეეზღუდებათ აბონენტებს მცხეთის მუნიციპალიტეტის სოფლებში ნაფეტვრები, მუხათწყარო, აგარაკი, მსხალდიდი, ლისი, თხინვალა, ხოლო 12:00-დან 16:00 საათამდე - სოფლებში ცხვარიჭამია, კევლიანი, თეზამი, ლელუბანი, ასევე სოფელ გლდანში კევლიანის ქუჩაზე, გიორგიწმინდას დასახლებაში.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.