სპეციალისტებისგან დაკომპლექტებული ჯგუფები მეთხილე ფერმერებს სწავლებებს ჩაუტარებენ

მეთხილეობის დარგში არსებული ვითარება და მიმდინარე წლის სამოქმედო გეგმა განიხილეს წალენჯიხის მუნიციპალიტეტში, საქართველოს თხილის მწარმოებელთა ასოციაციაში მეთხილე ფერმერებთან გამართულ შეხვედრაზე. სპეციალისტებისგან დაკომპლექტებული 15 სამუშაო ჯგუფი შეხვედრებს დღეიდან დაიწყებს და მოიცავს მუნიციპალიტეტებს სამეგრელოს, გურიის, იმერეთისა და აჭარის რეგიონებში.

როგორც „ინტერპრესნიუსს“ სურსათის ეროვნული სააგენტოდან აცნობეს, მეთხილე ფერმერებს მიაწვდიან ინფორმაციას თხილის მოვლის შესახებ, გააცნობენ ასევე „თხილის გადარჩენის პროგრამას“, რომელშიც ჩართვისა და პროგრამით გათვალისწინებული პირობებით სარგებლობის საშუალება ექნებათ.

მეთხილე ფერმერებთან შეხვედრას სურსათის ეროვნული სააგენტოს უფროსი ზურაბ ჩეკურაშვილი ესწრებოდა, რომელმაც ხაზგასმით აღნიშნა, რომ ამ კუთხით გარემოს დაცვისა და სოფლის მეურნეობის სამინისტრო და სურსათის ეროვნული სააგენტო აქტიურად თანამშრომლობენ თხილის მწარმოებელთა ასოციაციასთან და ფერმერებთან. „ფერმერების მაქსიმალური ინფორმირებულობა და ჩართულობა მომავალ სეზონზე ხარისხიანი მოსავლის მიღების წინაპირობაა. აღნიშნული პროგრამის ფარგლებში, მათ გადაეცემათ შესაწამლი აპარატები, ექნებათ წვდომა აგროქიმიკატებთან, პესტიციდებთან და ფინანსურ რესურსებთან“, - განაცხადა ზურაბ ჩეკურაშვილმა.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 15.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება