სოფო ქაცარავა - ეუთო-ს დასკვნაში მთავარი გზავნილი არის ის, რომ ამომრჩეველს ჰქონდა საშუალება თავისუფალ გარემოში გაეკეთებინა არჩევანი

„ეუთო-ს დასკვნაში მთავარი გზავნილი არის ის, რომ ამომრჩეველს ჰქონდა საშუალება, თავისუფალ გარემოში გაეკეთებინა თავისი არჩევანი“, - ამის შესახებ პარლამენტის საგარეო ურთიერთობათა კომიტეტის თავმჯდომარე სოფიო ქაცარავამ ეუთო-ს ანგარიშის კომენტირებისას განაცხადა.

ქაცარავას თქმით, ანგარიშთან დაკავშირებით მძიმე სურათის წარმოჩენა არასწორია.

„ვთვლი, რომ ასეთი მძიმე სურათის წარმოჩენა ეუთო-ს ანგარიშთან დაკავშირებით არასწორია. ეს არის ჯანსაღი პროცესი, როდესაც ეუთო აკვირდება არჩევნებს სხვადასხვა ქვეყანაში და ანგარიშში ასახავს როგორც პოზიტიურ მხარეებს, ასევე რეკომენდაციებს. მთავარია, ანგარიშში აისახა ის, რომ ამომრჩევლებს ჰქონდათ თავისუფალი არჩევანის გაკეთების საშუალება, წინასაარჩევნო გარემო იყო თავისუფალი და კონკურენტული, ხოლო არჩევნები იყო მაღალ პროფესიონალურ დონეზე ადმინისტრირებული. ბუნებრივია, ჩვენ ყოველთვის მაქსიმალურად ვითვალისწინებთ რეკომენდაციებს. სწორედ პოლონეთში ვიზიტის დროს მე და პარლამენტის თავმჯდომარეს გვქონდა შეხვედრა ODIHR-ის ხელმძღვანელთან, სადაც გამოვხატეთ მზაობა, რომ გავაგრძელოთ მუშაობა ამ მიმართულებით“, - აღნიშნა საგარეო ურთიერთობათა კომიტეტის თავმჯდომარემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა