ფაქტობრივად, რევოლუცია მოვახდინეთ პოლიტიკურ სისტემაში და ახალ სისტემაზე გადავდივართ, ასე რომ, არანაირი იმპიჩმენტი მას არ ელოდება, - ასე პასუხობს უმრავლესობის დეპუტატი გია გაჩეჩილაძე პარლამენტის თავმჯდომარის შესაძლო გადაყენების საკითხის დაყენებას. დეპუტატის განცხადებით, პროცესები, რომელიც პარლამენტის თავმჯდომარის ხელმძღვანელობით საკანონმდებლო ორგანოში განხორციელდა, რევოლუციურია.

„პარლამენტის თავმჯდომარე ახალგაზრდა კაცია, რომელიც ძალიან მაღალი დონის იურისტია, კონსტიტუციონალისტი. მარტო ის რად ღირს, რაც ჩვენ კონსტიტუცია მივიღეთ. ფაქტობრივად, რევოლუცია მოვახდინეთ პოლიტიკურ სისტემაში და ახალ სისტემაზე გადავდივართ, ასე რომ არანაირი იმპიჩმენტი მას არ ელოდება. ვფიქრობ, რომ ეს პოლიტკური პიარის საკითხია და მეტი არაფერი“, - განაცხადა გია გაჩეჩილაძემ.