„მოწმენდილ ცაზე ასეთი წერილი ნაკლებად მოსალოდნელია,“ - ამის შესახებ საფინანსო-საბიუჯეტო კომიტეტის თავმჯდომარე ირაკლი კოვზანაძემ ჟურნალისტებს განუცხადა. ამით კოვზანაძე გამოეხმაურა „თიბისი ბანკის“ ერთ-ერთი დამფუძნებლის, მამუკა ხაზარაძის განცხადებას, რომ არჩევნების მეორე ტურის წინ მან შს მინისტრისგან მუქარის შემცველი წერილი მიიღო.
„ბატონი გახარია თავისი საქმის სერიოზული პროფესიონალია. მოწმენდილ ცაზე ასეთი წერილი ნაკლებად მოსალოდნელია. მე იმედი მაქვს, რომ ამასთან დაკავშირებით მეტი სიცხადე იქნება. შეთქმულების თეორიებს მე ვერ ავყვები," - განაცხადა ირაკლი კოვზანაძემ.
შეგახსენებთ, „თიბისი ბანკის“ დამფუძნებელმა, მამუკა ხაზარაძემ დღეს განაცხადა, რომ მან მუქარის შემცველი წერილი შს მინისტრ გიორგი გახარიასგან მიიღო.