თამარ ჩუგოშვილი - მე მოვუწოდებ განცხადების ავტორს, გაასაჯაროოს წერილი - ჩვენ უნდა ვნახოთ ეს წერილი

მე მოვუწოდებ ამ განცხადების ავტორს, გაასაჯაროოს წერილი - ჩვენ უნდა ვნახოთ ეს წერილი - ამის შესახებ ვიცე-სპიკერმა თამარ ჩუგოშვილმა „თიბისი ბანკის“ დამფუძნებლის, მამუკა ხაზარაძის იმ განცხადებაზე კომენტირებისას აღნიშნა, რომლის მიხედვითაც, მან შს მინისტრ გიორგი გახარიასგან მუქარის წერილი მიიღო.

„გუშინ ძალიან სერიოზული ბრალდებები გაჟღერდა საპარლამენტო ტრიბუნიდან. ჩემთვის ცოტა დამაბნეველი ინფორმაციაა, იმიტომ რომ სხვადასხვა წყაროებიდან სხვადასხვა ინფორმაციას ვისმენ. შესაბამისად, პირველ რიგში ძალიან მნიშვნელოვანია ვიცოდეთ, რა წერილზე არის საუბარი. მე ვნახე ამონარიდი პროკურატურის განცხადებიდან. იქ ცოტა სხვა რამე ეწერა. პირადად ჩემთვის მეტი სიცხადეა საჭირო. მე მოვუწოდებ ამ განცხადების ავტორს, გაასაჯაროოს წერილი - ჩვენ უნდა ვნახოთ ეს წერილი. გუშინ ამ განცხადებაზე საუბარმა გადაფარა ის დისკუსია, რომელიც უნდა გამართულიყო და რეალურად, დისკუსია გაიმართა არა იმ თემის გარშემო, რაზეც იყვნენ დაბარებული, არამედ ამ წერილის გარშემო. ჩვენ არ ვიცით რეალურად ეს რა წერილია, არსებობს საერთოდ თუ არ არსებობს, რა წერია, ვინ, როდის დაწერა? უამრავი კითხვა გაჩნდა. საგამოძიებო უწყებების მხრიდან და ეროვნული ბანკის მხრიდან მე ცოტა სხვა განცხადებები მოვისმინე. ახლა, ალბათ, მნიშვნელოვანია ბრალდების ავტორმა მეტი ინფორმაცია მიაწოდოს საზოგადოებას,“- განაცხადა თამარ ჩუგოშვილმა.

იხილეთ ვიდეო:

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა