გია ვოლსკი - ირაკლი ღარიბაშვილის დაბრუნება მთაწმინდის ოლქში კანდიდატურის შერჩევის პროცესს არ უკავშირდება

პარტიაში ირაკლი ღარიბაშვილის დაბრუნება მთაწმინდის მაჟორიტარულ ოლქში კანდიდატურის შერჩევის პროცესს არ უკავშირდება, - ასე უპასუხა გია ვოლსკიმ კითხვას, წარადგენს თუ არა “ქართული ოცნება“ მთაწმინდის მაჟორიტადად ირაკლი ღარიბაშვილს.

ვოლსკიმ ისიც აღნიშნა, რომ არ სურს იყოს კატეგორიული, რომ ეს არავითარ შემთხვევაში არ მოხდება.

“ასეთი გადაწყვეტილება მიღებული არ არის. არ ვფიქრობთ, რომ ირაკლი ღარიბაშვილი უნდა იყოს კანდიდატი მთაწმინდაზე, მაგრამ ეს იმას არ ნიშნავს, რომ ამ საკითხებზე მსჯელობა არ იქნება - ვნახოთ!“, - განუცხადა ჟურნალისტრებს ვოლსკიმ.

ირაკლი ღარიბაშვილი პოლიტიკაში პარტია “ქართული ოცნების“ პოლიტიკური მდივნის სახით დაბრუნდა.